Tomela'tájtol

Náhuatl de Mecayapan y Tatahuicapan de Juárez, Veracruz
(código nhx de la ISO)

Tomela'tájtol mocaqui Mecayapan huan Tatahuicapan huan sequin altepemej yej najna'san ipan estado de Veracruz. Yej chantitoquej Pajapan achi se'pa itajtolmej, malej iga na'san ayá' táhuel mocaqui quen iga tajtohuaj.

Nipoxmiaquejmej yej nimela'tájtohuaj. Inimej ome municipio quipiáj quen 30,000 tocnimej, ijcón quijtohuaj yej tacontarojquej ipan año 2000.

Ininpa tomela'tájtol quipiá t can sequin nahuatl quipiáj tl can pehua tájtol ihuán tajcotájtol. La t ihuán k mocuepaj saltillo ['] can tami tájtol. Tájtol yej sequin yej huejca chantitoquej quijtohuaj tacatl nejamej niquijtohuaj taga' . Ono' vocal yej tic-hueyacanaj iga tiquijtohuaj (largo de la vocal), inomej vocales motaliliá se raya itampa cua' mojcuilohua. Ijquín mojcuilohua  ista' 'sal' ihuán  ista' 'blanco';  panoj 'pasó' huan  panoj 'pasará'.

Sequin yej tajtohuaj náhuatl yej huejca ichamej aquipiáj oclusivas yej nahuatij ipan totoscatan, quen la b, d huan g. Tejamej tiquijtohuaj  babasoti', '(pelo) desordenado',  dadapoti' 'roñoso' huan  goxi, 'trompo (juguete)'. [Mocaqui iga babasoti' tami huan saltillo cua' ticaqui mosen-ijtohua ihuán san;  babasoti'san. Mocaqui iga goxi ayá' tami huan saltillo cua' ticaqui mojtohua ihuán san;  goxisan.]

Ininpa tomela'tájtol tanextiliá siga yej tacaqui no quichihuas quen quichihuas yej nemi tajtohua.  Matiacan quijtojnequi iga yej tacaqui no mayahui,  maniacan quijtojnequi iga yej tacaqui ayá' yahui.

Cua' agaj quijtohua  quitamacaquej, aticmatij a'yéj tatamaga'. Huel se quitamacaquej sequin, huel sequin quitamacaquej sequin huan huel sequin quitamacaquej se. Siga ticaqui agaj quijtohua nimitztamacaquej, aticmatij siga se quitamacaquej sequin, huel sequin quitamacaquej sequin huan huel sequin quitamacaquej se.

--Christopher L. Hurst

Tajtolmej yej mocaqui nigaj, tajtohuaj ihuán Esteban Pérez Ramírez

Nigaj no huel tiquita inimej:

• Diccionario náhuatl del Mecayapan y Tatahuicapan de Juárez, Veracruz
• Gramática náhuatl (mela'tájtol) de los municipios de Mecayapan y Tatahuicapan de Juárez, Veracruz
• El náhuatl y los préstamos
• Rasgos importantes de esta variante del náhuatl
• Los fonemas del náhuatl de los municipios de Mecayapan y Tatahuicapan de Juárez, Veracruz
• Iga Nesi' Sinti (Cómo apareció el maíz)
• Tadeo (El casamiento de Tadeo)
• Ni-atzacuica (Quedé atrapado por el agua)

No huel tiquita se' sitio:

• Los municipios de Tatahuicapan de Juárez y Mecayapan